Një takim “kokë më kokë” mes presidentit serb Aleksandër Vuçiç dhe homologut të tij turk Rexhep Tajip Erdogan është zhvilluar këtë të dielë.
Ka qenë Vuçiç ai që ka zbuluar detaje nga takimi me anë të një postimi në Facebook. Sipas tij fokusi i bisedës ka qenë stabiliteti dhe paqja në rajon.
“Gjithmonë një bisedë e rëndësishme dhe e hapur me Recep Tayyip Erdoğan rreth çështjeve aktuale bilaterale dhe rajonale. Për ne është e rëndësishme të ruajmë marrëdhëniet më të mira të mundshme me Turqinë, dhe ky takim ishte një hap tjetër drejt forcimit të bashkëpunimit tashmë të mirë serbo-turk në të gjitha fushat me interes reciprok.
Biseduam për rëndësinë e ruajtjes së paqes dhe stabilitetit në rajon, ku llogarisim në angazhimin konstruktiv të Turqisë, si një ndër faktorët ndërkombëtar më me ndikim në këtë pjesë të botës”, shkruan Vuçiç.
