Rreth dy jave me pare, kryeministri Edi Rama mori ministren e Infrastruktures, Belinda Balluku në një makinë kabriolet dhe po shëtisnin në rrugën e re Palasë-Dhërmi.
Në pamjet e publikuara nga regjia e kryeministrit, rruga e re dukej për merak dhe gjithçka ngjante si në Monte Karlo. Por, përtej imazheve të mirë-kuruara nga stafi kryeministror, gjendja e rrugës është me së paku katastrofike dhe shumë e rrezikshme për përdoruesit e saj.
Në pamjet e filmuara nga “Bold News.al” duket qartë se si shoferëve u duhet të bëjnë “cirk” në rrugë për të vijuar udhëtimin. Nga një korsi në të majtë, kalon në të djathtë e më tej shkon prapë në të majtë, para se mjetet të futen në rreth-rrotullim.
E të mos mjaftonte kjo, siç shihet dhe në pamjet, rruga ka vijëzim në mes, ku sipas sinjalistikës rrugore është e ndaluar që të shkelet, por në këtë rast është e pamundur që të mos ndodh diçka e tillë.
Një fakt tjetër që vlen për t’u përmendur është edhe fakti se në këtë aks rrugor mungojnë skarpatet dhe me reshjet e shiut të patra që do të bien, e gjithë dheu dhe balta do të përfundojë në rrugë.
Gjithsesi, kryeministrit Edi Rama duket se nuk i interesojnë gabimet në projektim, mjafton të dhurojë “show” në mënyra nga më të ndryshmet dhe të mburret se sa shumë punë të mira që bën. Aq të mira se e tregon më së miri video më poshtë. Për të mos folur më tej me abuzime e kostove të rrugëve të rindërtuar në 10-vjeçarin e fundit.
