Konçesioni i sterilizimit të mjeteve spitalore, që u firmos nga Ministria e Shëndetësisë në vitin 2015 dhe prej asokohe ka çuar në llogaritë e “SaniService”, 78 milionë euro fitime, sipas mjekëve në QSUT ishte i panevojshëm.
Një mjek anestezist-reanimator pranë Qendrës Spitalore Universitare ka rrëfyer për Euroneës se kostoja e një operacion të thjeshtë u rrit me 30.000 lekë më shumë, në momentin që qeveria Rama zgjodhi t’ia kalonte shërbimin privatit, në këtë rast emigrantit Ilir Rrapaj.
Pohimin e mjekut e provojnë edhe të dhënat e paraqitura nga Ministria e Financave, të cilat tregojnë se planifikimi i koncesionit 10-vjeçar ka qenë shumë i gabuar dhe situata ka dalë nga kontrolli në 2018-n, kur u realizun 117 000 ndërhyrje kirurgjikale.
Kjo e fryu koston e koncesionit edhe më tepër pasi niveli i ndërhyrjeve i parashikuar në kontratë është 62.957 ndërhyrje.
Faktet tregojnë në këtë mënyrë se kontrata koncensionare për sterilizmin ishte e pa menduar mirë dhe fryu shpenzimet, ndryshe nga çndodhte kur administrohej nga Ministria e Shëndetësisë.
Profesori Pirro Prifti ka treguar në intervitsë se shkak për fryrjen artificiale të vlerës është edhe përcaktimi i 3 seteve tip.
“Një operacion i thjeshtë më parë nuk shkonte më shumë se 15.000 lekë të reja në një kohë që kjo u rrit artificialisht e shkoi 45.000 lekë. Ndonjëherë duheshin edhe dy apo tre sete operacionale”, tha mjeku nestezist-reanimator.
Në gjykimin e tij, kontrata koncensionare ishte e panevojshme, ndërsa citon se qendra e sterilizimit e ndërtuar në QSUT iu dha falas koncensionarit në një kohë kur mund të përdorej nga shteti.
“Ky koncesion për mendimin tim nuk ka qenë i nevojshëm, sepse shteti, kishte ndërtuar në spotal një qendër sterilizimi dhe nuk i kushtonte gjë që një ekip njerëzish t’i trajtonte për të bërë këtë gjë”, tha Prifti.
Pohimet e mjekut të njohur rrëzojnë justifikimin që kryeministri Edi Rama iu ka bërë seteve të reja kirugjikale njëpërdorimshme, të cilat u mbrojtën prej tij dhe mashorancës me argumentin se janë pasojë e domosdoshmërisë për të ulur ditët e qëndrimit në spital të pacientëve dhe infeksionet postoperatore.
