Dy shtetas nga Kosova dhe 3 nga Shqipëria u arrestuan ditën e sotme, nën akuzat për trafik droge. Në mesin e të arrestuarve doli të jetë edhe Besnik Mujeci, këshilltar i Kuvendit Komunal në Prishtinë nga radhët e Lëvizjes Vetëvendosje.
Por ai nuk rezulton të jetë i vetmi personazh nga “jeta publike” që është në mesin e të arrestuarve.
Mes të arrestuarve është edhe Mithat Ramadani, reperi i njohur me emrin Despoti. Projektin e fundit muzikor e ka publikuar para pak ditësh, raportojnë mediat vendase.
Vetëm pak ditë më parë, në “Andrra Stage” të “DokuFest” ai ka performuar me BimBimmën e të tjerë emra, përfshirë Besa M e Killua.
