62-vjeçari Ramiz Muçollari plagosi me thikë bashkëshorten e tij në banesën e tyre në Maliq dhe me qytën e pushkës edhe djalin e tij. 62-vjeçari, i cili vuante nga shëndeti mendor sulmoi me armë edhe policinë.
Pas më shumë se 8 orë negociatash ai u vra nga RENEA, ndërsa gjendja shëndetësore e të plagosurve nënë e bir, Pëllumbesha dhe Kamber Muçollarit është e stabilizuar.
Dy të plagosurit, nënë e bir, ndodhen jashtë rrezikut për jetën në spitalin e Korçës.
Në deklaratën e dhënë para oficerëve të policisë gjyqësore Pëllumbesha Muçollari, ka thënë se shkak për acarimin e situatës ka qenë tentativa për ta bindur Ramizin 62 vjeç të shtrohej në spital, pasi gjendja e tij e shëndetit mendor ishte përkeqësuar. Në diskutim e sipër, Ramiz Muçollari e ka goditur me thikë kuzhine bashkëshorten të cilës i ka shkatura plagë në pjesë e këmbës.
Në sherr ka ndërhyrë edhe djali i tyre, Kamber Muçollari 27 vjeç ku edhe ky i fundit është sulmuar nga babai i tij, duke marrë plagë në pjesën e kokës. 62-vjeçari Ramiz Mucollari e ka goditur me pjesë e pasme të mitralozit, djalin e tij. Pas plagëve të marra ata kanë njoftuar policinë.
