Qeveria në Letoni do të dorëhiqet brendaj javës. Këtë e ka bërë të ditur kryeministri Krisjanis Karins, i cili tha sot sekëtë të enjte do ti paraqes Presidentit dorëheqjen e tij dhe të kabinetit.
Kriza politike në Letoni vjen pasi Karins ka përplasje me përfaqësuesit e tjerë të koalicionit.
Partia e qendrës së djathtë të Unitetit, që drejtohet nga Karins, fitoi zgjedhjet kombëtare në tetor 2022, duke marrë 26 nga 100 vendet në një parlament të fragmentuar, ku përfaqësohen shtatë parti.
Partia e Karins qeveriste vendin e Bashkimit Evropian prej 1.9 milionë banorësh, me mbështetjen e Aleancës Kombëtare konservatore dhe Listës së Bashkuar të partive më të vogla duke i dhënë atij një shumicë të ngushtë parlamentare.
Por marrëdhëniet me koalicionin u përkeqësuan pasi ai nuk arriti të paraqiste një kandidat të përbashkët në zgjedhjet presidenciale në maj.
Të premten, Karins bëri një përpjekje të dështuar për të bashkuar në qeveri më shumë parti, por nuk ia doli.
Ata përfshinin partinë Progresistët me prirje të majtë dhe të Gjelbrit dhe Unionin e Fermerëve, një koalicion grupesh konservatore të kryesuar nga Aivars Lembergs, kryebashkiaku i qytetit portual Ventspils, i cili u vu në listën e sanksioneve të SHBA-së për korrupsion të dyshuar në vitin 2019.
Vetë kryeministri fajësoi në konferencën për shtyp partnerët e koalicionit “që bllokojnë punën për prosperitet dhe rritje ekonomike”.
Sakaq, partia e “Unitetit të Ri” të Karins ka në plan të zgjedhë kandidatin e saj për kryeministër të mërkurën.
Ndërkohë, në kushtet aktuale presidenti Edgars Rinkevics ka përgjegjësinë për t’i dhënë një mandat një kryeministri të ri në përpjekje për të formuar një qeveri. Ai kandidat do të përballet gjithashtu me një votëbesim parlamentar, teksa zgjedhjet e ardhshme parlamentare të Letonisë janë planifikuar për në vitin 2026.
