Një efektiv policie në Berat është pezulluar nga detyra me vendim të Agjencisë së Mbikëqyrjes Policore, pasi ka goditur një qytetare.
Në njoftimin e AMP-së bëhet me dije se efektivi Dritan Toska, po ashtu është kallëzuar penalisht.
“Efektivi me inicialet D.T., pranë Patrullës së Përgjithshme, në Komisariatin e Policisë Berat, me veprimet e tij ka thyer rëndë Kodin Etik të Policisë së Shtetit, ndërsa një qytetare është ankuar se është goditur nga efektivi i Policisë”, sqaron AMP.
Materialet hetimore paraprake i kaluan Prokurorisë pranë Giykatës së Shkallës së Parë me Juridiksion të Përgjithshëm, Berat.
