Frika nga dhuna e huliganëve pas vrasjes së 29-vjeçarit Michalis Katsouris para sfidës AEK-Dinamo Zagreb ka mobilizuar edhe vetë kryeministrin helen Kyriakos Mitsotakis për të mobilizuar policinë dhe autoritetet e garave sportive.
Mitsotakis po ashtu ka pasur komunikime të njëpasnjëshme telefonike me presidentin e UEFA-s, Aleksandër Ceferin dhe kanë rënë dakord që të takohen të mërkurën, më 16 gusht në Athinë.
Në këtë takim pritet të diskutohet për atë që po ndodh në futbollin grek dhe europian pas dhunës së paprecedentë të huliganëve kroatë “Bad Blue Boys”.
Në të njëjtën ditë është parashikuar të mbahet edhe Superkupa e Europës në stadiumin “Georgios Karaiskakis”, me kreun e UEFA-s që pritet në Greqi për ndeshjen Manchester City-Sevilla.
Në fakt, pas takimit të Kryeministrit me Presidentin e Federatës Evropiane të Futbollit në orën 11:00, do të mbahet një takim tjetër me pjesëmarrjen e ministrave kompetentë, në të cilin do të jenë të ftuar edhe pronarët e Olympiakos, Panathinaikos, AEK dhe PAOK.
Qëllimi i takimit, sipas informacioneve, është të analizohen të dhënat për Europën dhe të diskutohet me krerët e PAE për zbatimin e dispozitave të ligjit të sportit.
