Origjina e kryeministrit Edi Rama vihet në pikëpyetje shpesh, pas deklaratave të tij në çdo qytet ku shkon apo në çdo intervistë që ai jep.
Gjyshen e tij, kreu i qeverisë shqiptare e ka bërë me origjinë nga disa prej qyteteve të Shqipërisë dhe së fundmi e bëri edhe me origjinë italiane.
Në datën 9 mars të vitit 2013, Edi Rama deklaroi se është nga Shkodra, gjatë një takimi me banorët në këtë qytet, pasi sipas tij, gjyshja e tij është pikërisht nga Shkodra. Por, në një miting tjetër, Rama tha se ishte nga Mirdita, duke aluduar se familja e nënës së tij, Aneta Kolekës, është nga zona e Bregut të Labërisë, por të ardhur nga zonat e Mirditës. Më pas, Rama ka deklaruar se ka rrënjë dhe nga Tirana, Berati, Vunoi, Fushë Kruja apo edhe Durrësi.
Së fundmi, në një intervistë për “La Repubblica”, kryeministri Edi Rama duke u justifikuar për memen që kishte bërë me ardhjen e turistëve italianë në Shqipëri dhe shfaqi pendesë për mënyrën se si e kishte shfaqur , duke u shprehur se kishte rënë në kurth, deklaroi dhe se gjyshja e tij kishte gjak italian.
