Kosova nuk gjen qetësi. Pas dy ngjarjeve të rënda gjatë kësaj jave në Prishtinë dhe Klinë, që u mbyllën me dy viktima dhe disa të plagosur, një tjetër vrasje është regjistruar brenda një lokali.
Të herë në Skënderaj sipas policisë vendase është ekzekutuar me armë një 39-vjeçar, ndërsa të plagosur kanë mbetur tre persona.
Ngjarja e rëndë është regjistruar pak pas mesnate. Sakaq, mediat në Kosovës raportojnë se kanë qenë dy persona të maskuar që kanë qëlluar me armë në drejtim të viktimës dhe të plagosurve.
Njoftimi i policisë së Kosovës:
Rreth orës 01:21, të datës 10 gusht 2023, policia ka marrë informatën për të shtëna me armë zjarri në një lokal në fshatin Runikë të Skenderajt. Menjëherë në vendin e ngjarjes kanë dalë njësitet e nevojshme policore dhe ekipi mjekësor. Bazuar në hetimet fillestare, nga arma e zjarrit lëndime kanë pësuar katër persona, njëri nga të lënduarit viktima , 39-vjeçar, ka ndërruar jetë në vendngjarje, ndërsa, tre persona të tjerë të lënduar (po ashtu nga arma e zjarrit ) janë dërguar për trajtim mjekësor në QKUK”, thuhet në njoftimin e Policisë.
Sipas Policisë nga hetimet e para dhe këqyrja e vendit të ngjarjes, “dyshohet se dy persona të dyshuar e të maskuar kanë hyrë brenda në lokal kanë shtënë me armë dhe janë larguar në drejtim të panjohur. Në cilësi të provave materiale në vendin e ngjarjes janë gjetur dhe konfiskuar disa gëzhoja.
Grupi hetimor po punon intensivisht për identifikimin dhe arrestimin e kryesit/ve të veprës si dhe zbardhjen e kësaj vepre penale.
