Lekë Vuksani, 34-vjeçari që ekzekutoi me armë zjarri Petrit Vuksanin pas konfliktit për qiranë e banesës, në dëshminë e tij për oficerët pranoi krimin, duke u shprehur se përdori armën e 51-vjeçarit për t’a vrarë.
Teksa i riu ka rrëfyer detajet e vrasjes që tronditi dy ditë më parë Shkodrën, nga policia u mësua se ai u ndalu 21 orë pas ngjarjes së rëndë, teksa u lokalizua në një banesë në rrugën “Pjetër Budi”.
34-vjeçari gjeti strehë nën kërcënimin e armës, të cilën ia drejtoi pronares së shtëpisë ku edhe u arrestua, duke e kërcënuar me jetë.
Leka erdhi në banesën time dhe u fut brenda pasi më kërkoi t’i hapja derën. Kur u fut shoh që kishte armën në dorë dhe nuk dija si të veproja. Leka më tha se nuk do të bëj asgjë ndaj mos u tremb, kam ardhur vetëm për të qëndruar këtu. Nuk e dija se çfarë të bëja sepse ishte errësirë. Më tha që të mos tregoj se ndodhej aty deri sa erdhi policia dhe e arrestoi”, rrëfeu zonja në fjalë në polici.
Për kapjen e 34-vjeçarit dhanë informacion edhe qytetarët, të cilët kanë njoftuar policinë për një person që qarkullonte i armatosur në rrugë të ndryshme të Shkodrës.
Autori ka lëvizur në këmbë dhe gjatë gjithë kohës ka patur me vete armën kallashnikov, me të cilën i mori jetën 51-vjeçarit.
Këtë e konfirmon edhe një foto e publikuar nga televizioni Klan, ku Lekë Vuksani shihet me armën automatike në krah, duke dalë nga dera kryesore e banesës pak minuta pasi kreu vrasjen.
