Kryetari i Partisë Demokratike, Sali Berisha u shpreh mesditën e kësaj të mërkure se Tirana sot është lavatriçja më gjigante e pastrimit të parave të drogës.
Berisha tha se kjo që ne shohim sot kjo është shfaqja më e sigurtë e narkoshtetit të parë dhe të vetëm në Europë që është narkoshteti shqiptar, ndërsa shtoi se gjithçka bëhet ne funksion të klaneve kriminale.
Berisha: Është krijuar një raport shkatërrues për ekonominë dëshmi më flagrante cilësore e narkoshtetit. Kjo që ne shohim sot kjo është shfaqja më e sigurtë e narkoshtetit të parë dhe të vetëm në Europë që është narkoshteti shqiptar. Gjithçka është në funksion në klaneve kriminale. Nga dera e asaj ndërtese që është përtej rrugës hyjnë dhe dalin përfaqësuesit e kartelit më të rrezikshëm të drogës në botë, Sinaloës së Meksikës.
Nga interceptimet që u publikuan që janë as maja e ajsbergut, ku miku strategjik i Edi Ramës drejtonte vrasje dhe trafiqe dhe drekonte dhe darkonte me kryeministrin sikur të ishte më shumë se një ministër i tij, pra cila është fuqia, e jashtëzakonshme e klaneve të drogës në këtë vend. Ata janë vendimarrësit absolut.
Shqipëria sot në Europë rendite e para me distancë me treguesin e ndërtimit. 3 milionë metra katrorë në vit ndërtohen në Tiranë në një kohë kur nevoja e vendit është 1 milion metër katror.
Nuk ka lavatriçe më gjigante të larjes së parave të krimit se Tirana sot. Çmimet këtu janë të tretat më të shtrenjta në Europë. I ndërton droga, i blen droga i shet droga.
Dhe në këto operacione klanet përsëri i përdorin këto para për të pushtuar territoret. Tani këtë kanabisin e kanë të dytë, kokainën dhe opiumin e kanë të parin.
