Suedia është goditur nga moti i keq, me shirat e dendur që kanë shkaktuar dëme të shumta. Stuhia ka dëmtuar një pjesë të hekurudhës, ku si pasojë 2 nga 4 vagonët e një treni kanë dalë nga shinat.
Si pasojë janë lënduar tre persona, me bilancin që mund të bëhej edhe më tragjik pasi në tren udhëtonin 120 persona. Agjencia Kombëtare Suedeze e motit ka paralajmëruar se erërat e forta, përmbytjet dhe shirat e dendur do vijojnë.
Sipas autoriteteve, gjendja në vend pritet të jetë më e rënda në 25 vitet e fundit, ndërsa është bërë thirrje për të pasur kujdes. Shirat kanë rritur nivelin e ujit në rrugë dhe lumenj, ndërsa pasoja mbeten të rënda.