Një 36-vjeçar ka rënë në prangat e policisë këtë të Hënë, pasi akuzohet për grabitje.
Blutë bëjnë me dije se në pranga ka rënë shtetasi me iniciale, A.B i cili është kapur në flagrancë në fshatin Labinot të Elbasanit teksa po grabiste një magazinë.
U identifikua dhe u vu në pranga shtetasi A. B., 36 vjeç, banues në Elbasan.
Nga hetimet ka rezultuar se shtetasi A. B. është gjithashtu autor i vjedhjes së një sendi me vlerë, në një objekt kulti, në qytetin e Elbasanit, vjedhje e dyshuar e kryer më datë 24.12.2022, por e denoncuar në Policinë e Elbasanit, më datë 04.08.2023, nga një përfaqësues i këtij objekti kulti.
Vijon puna për zbardhjen e vjedhjeve të tjera që mund të ketë kryer 36-vjeçari.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
