Gazetari Basir Çollaku tha këtë të hënë se Veliaj ka dëshmuar të premten në SPAK për gati katër orë, lidhur me hetimet për inceneratorin e Tiranës
“Nga burimet e mia Veliaj është thirrur nga SPAK sepse nuk mund ta hetosh këtë dosje pa e thirrur kryetarin e bashkisë së Tiranës. Veliaj është thirrur të premten e kaluar dhe ka qëndruar për më shumë se katër orë në Prokurorinë e Posaçme. Hermetizmi për të shkëmbyer informacion që i intereson qytetarëve është i frikshëm, ka pasur mungesë kuraje që të shkohet në zyrën e Veliaj që është i përfshirë në inceneratorët ku janë vjedhur miliona euro nga buxheti i shtetit”, tha Ccollaku për “Syri.net”.
“Në sekuestrimin e inceneratorit të Tiranës është specifikuar se ka ndodhur kë qëllim pasi janë korruptuar zyrtarët të lartë të qeverisjes vendor të cilët janë zgjedhur, dhe i vetmi që ka pasur tagrin të firmosë është Veliaj“, shtoi.
Kryebashkiaku i Tiranës Erion Veliaj, përmes një shkrese drejtuar Ministrisë së Mjedisit në Mars 2017, i hapi rrugë koncesionit të inceneratorit të Tiranës, e përfituar nga një kompani pas së cilës, sipas SPAK, qëndrojnë Mirel Mërtiri dhe Klodian Zoto.
