Enrik Ismalaj, 23 vjeç, banues në Tiranë, u arrestua këtë të hënë nga policia e kryeqytetit në tentativë e sipër për të vjedhur filialin e një banke në Unazën e Madhe.
Burime mediaitike bëjnë me dije se autori ishte i pamaskuar dhe tentoi të futej në bankë duke goditur më gurë derën kryesore.
Tentativa e hyrjes në bankë ndodhi herët në mëngjes, kur në bankë nuk kishte njerëz të pranishëm.
Alarmi i bankës u aktivizua menjëherë pas goditjeve duke sinjalizuar dhe komisariatin numër 6. Menjëherë pas kësaj, policia arrestoi në flagrancë autorin.
23-vjeçari tashmë duhet të përballet me akuzat për dy vepra penale “Vjedhja e bankave dhe arkave të kursimit”, mbetur në tentativë, dhe “Shkatërrimi i pronës”.
