Shefi i Organizimit në PD, Klevis Balliu, ka komentuar pasditen e kësaj të diele, skandalin e fundit, ku dronët e Guardia di Finanzatë bënë të mundur identifikimin e parcelës me kanabis ne repartin ushtarak të trupave Komando në Zall Herr të Tiranës.
I ftuar në ‘Edicionin e Pasdites’ në Syri Tv, Balliu u shpreh se nuk ndjehet i habitur për këtë lajm pasi kjo qeveri është një qeveri që fatin e saj e ka lidhur me drogën.
Balliu gjithashtu kujtoi se në kohën kur PD ishte në pushtet, ushtria shqiptare plotësoi kriteret për në NATO, ndërkohë sot kjo ushtri është kthyer në një kartelë droge.
Balliu: Personalisht nuk mëbën habi, dhe unë nuk do habitesha edhe po ajo të ishte zbuluar në Kryeministri.
Kjo është një qeveri e cila e ka lidhur fatin e vet me mbjelljen e droges të të gjitha formave. Pra në këtë kontekst nuk më bëm habi kjo situatë pasi është në inkriminimin total të shtetit dhe rënien e shteti ligjor.
Pra kur fillon ushtria dhe mbjell drogë, kur ti ushtrinë e kthen në kartelë droge, këtu hidhen poshte tezat e mirëpaguara më paratë e drogës, se këtu politikanë të janë të gjithë njësoj.
Jo s’është e vërtetë, në kohët e Partisë Demokratike ushtria plotësoi të gjitha kriteret për tu bërë pjesë e NATOS, në kohën e Edi Ramës ushtria plotëson gjithë kriteret për tu bërë kartelë droge. Dhe kjo është diferenca themelore, shiko janë afro 300 policë të inkriminuar, vetëm në njërën dosje që ka dalë ditët e fundit, drejtorëpolicie të lidhur me bandat, të gjitha këto nuk janë rastësira por kjo vjen si pasojë e një shteti të tërë të ngritur nga Edi Rama që ka në përbjërjen e tij një bashkëpunim të thellë dhe të ngushtë me narko-trafikun dhe qeverinë.
Kjo është kryesorja dhe çdo gjë tjetër që në shikojmë është thjeshtë pasojë. Mos u habisni nëse nesër shikojmë te ballkoni prej 4 milionë eurosh që duan të bëjnë në Kryeministri të gjeni një parcelë kanabisi aty.
Kjo qeveri kjo është. Kjo qeveri drogën ka, kjo qeveri drogën mbjell dhe kjo qeveri me drogën punon. Jeton me drogën dhe punon me drogën!
