Një 24-vjeçar shqiptar ka humbur jetën tragjikisht në Shtetet e Bashkuara të Amerikës. Viktima është shtetasi Kolë Nikprelaj.
24-vjeçari shqiptar nga New York-u dhe e fejuara e tij, Dila Bujaj u goditën nga rryma elektrike në Marina Wright Island në New Rochelle më 9 korrik. Ata sapo kishin përfunduar xhiron me jet-ski kur prekën një tel elektrik në ujë pranë dokut të anijeve.
Me gjithë optimizmin fillestar dhe 20 ditë shpresë, Kolë Nikprelaj u shpall i vdekur të dielën e 30 korrikut. Ndërsa, partnerja e tij ka mbijetuar, por ndodhet në gjendje të rëndë.
Kolë Nikprelaj do të mbushte 25 vjeç këtë muaj. Ai kishte mbaruar shkollën e mjekësisë dhe ishte gati të fillonte rezidencën në Qendrën Mjekësore Berkshire. Gjithashtu, ai ishte dhe një besimtar i krishterë i devotshëm.
Ceremonia mortore do të mbahet këtë të shtunë, më 5 gusht 2023, në orën 10:00 me orën lokale në Zoja e Shkodrës, 361 W Hartsdale Ave, Hartsdale, NY.
