Ish-gardisti dhe shoferi i Lindita Nikollës, Martin Nikolli, i cili dhunoi dhe qëlloi në ajër me armë zjarri ndaj familjes Kaçi në Hamallaj është lënë sot në burg. Masa u dha nga Gjykata e Durrësit.
E njëtja masë është dhënë dhe për vëllanë e tij.
Vëllezërit Nikolli akuzohen për tre vepra penale, “Kanosja”, “Plagosja e rëndë me dashje” dhe “Prishja e qetësisë publike”.
Burimet nga gjykata bëjnë me dije se ish-gardisti ka qëlluar në ajër me armën e tij të detyrës, por ky i fundit ka deklaruar se ka ndërhyrë për të shuar konfliktin.
Gjykata ka dhënë urdhër mbrojtje për familjen Kaçi.
Martin Nikolli u shkarkua nga detyra menjëherë pas ngjarjes.
- Si ndodhi konflikti
Konflikti për një rrugë fshati degjeneroi në dhunë mes anëtarëve të dy fiseve në fshatin Hamallaj në Durrës. Pas konfliktit verbal sherri degjeneroi në përdorimin sendeve të forta, deri në armët e zjarrit.
Ngjarja ndodhi paraditen e së dielës, ndërsa të lënduar mbetën disa persona. Sipas policisë në konflikt u përfshinë anëtarë të familjes Kaçi dhe familjes Nikolla fqinjë me njëri-tjetrin.
Shkak mësohet se është bërë një rrugë që banoret e kane shtruar me leket e tyre rreth 10 vite me pare si dhe disa rrethime të komshinjve që familja Nikolla kërkon t’i heqë.
Konflikti ka nisur në momentin që kryefamiljar i familjes Kaçi, po kalonte në rrugë, kur Martin, Alfred, Petrit dhe Arben Nikolla i kane zënë rrugën dhe më pas kanë nisur ta qëllojnë. Me pas, janë afruar djemtë e të moshuarit dhe janë përfshirë në sherr me familjen Nikolla, anëtarët e së cilës i kanë goditur me shkopinj bejsbolli, armë zjarri e mjete te tjera të forta.
