Administrata Kineze e Hapësirës Kibernetike (CAC) tha sot se fëmijët nën moshën 18 vjeç duhet të kufizohen të shpenzojnë jo më shumë se dy orë në ditë në telefonat e tyre inteligjentë, duke bërë që aksionet e teknologjisë të bien.
CAC tha se dëshiron që ofruesit e telefonave inteligjentë të prezantojnë të ashtuquajturat programe të vogla që do t’i ndalojnë përdoruesit nën 18 vjeç të kenë akses në internet në pajisjet celulare nga ora 22:00 deri në 6 të mëngjesit, raportoi Reuters.
Ofruesit do të duhet gjithashtu të vendosin kufij kohorë sipas reformave të propozuara, tha CAC.
Përdoruesit e moshës 16 deri në 18 vjeç do të lejohen të jenë në internet për dy orë në ditë, fëmijëve nga tetë deri në 16 vjeç do t’u lejohet një orë, ndërsa fëmijëve nën tetë vjeç do të lejohen vetëm tetë minuta.
Investitorët nuk ishin të emocionuar, me aksionet e kompanive kineze të teknologjisë kryesisht në rënie në tregtinë e pasdites në Hong Kong pasi CAC publikoi draft-udhëzimet, të cilat janë të hapura për reagime publike deri më 2 shtator.
