Interi nuk dorëzohet për Gianluca Scamaccan. Sipas të përditshmes Corriere dello Sport, klubi zikaltër ka gati një ofertë prej 30 mln eurosh për sulmuesin e West Ham-it .
Më saktë 25 mln euro + 5 të tjera në formën e bonuseve për ish-sulmuesin e Sassuolos. Klubi londinez, më herët kishte refuzuar një ofertë prej 25 mln euro për 24-vjeçarin dhe tashmë dyshja Marotta-Ausilio nuk dëshiron të humbasë më kohë.
Duke i vendosur në tryezë West Ham-it një ofertë që mbërrin në 30 mln euro. Drejtuesit e Interit dëshirojnë që ta mbyllin sa më shpejt operacionin në mënyrë që sulmuesi shtatlartë të vihet nën urdhrat e trajnerit Simone Inzaghi.
Pas largimeve të Dzekos dhe Lukakus, zikaltrit kanë nevojë për një sulmues dhe Scamacca duket të jetë alternativa e duhur. Futbollisti nga Roma është pjesë e “Çekanëve” që nga qershori i vitit 2022. Kur u ble nga Sassuolo për 36 mln euro.
Në një vit në ishull, sulmuesi është aktivizuar në 16 ndeshje duke shënuar dhe 3 gola, me ekipin që e mbylli sezonin në Premier në vendin e 14, teksa fitoi UEFA Conference League.
