Tre shtetas janë arrestuar ditën e sotme në Bulqizë dhe 2 të tjerë janë shpallur në kërkim nga policia, pasi akuzohen se për prerje pyjesh pa kriter.
Policia bën me dije se në pranga kanë rënë 3 shtetasit, Banush Dedja, Ramadan Basha dhe Zabit Kola si dhe ka shpallur në kërkim dy vëllezërit, Bajram dhe Ajet Lici për krim kundër mjedisit në mënyrë të organizuar.
Këta shtetas kanë prerë masivisht sipërfaqe pyjore në zonën e mbrojtur “Liqeni i Zi” me qëllim sigurimin e lëndëve drusore në kundërshtim me ligjin.
Gjatë operacionit janë sekuestruar 3 mjete të rënda, variskë dhe kamion, që shërbenin për hapjen e rrugëkalimeve dhe për transportin e lëndës drusore, një motosharrë dhe një sasi lënde drusore e prerë ilegalisht, që u gjet në pjesë të ndryshme të zonës së mbrojtur “Liqeni i Zi”.
“Në kuadër të këtij operacioni, Policia mbajti në vëzhgim territorin e zonës së mbrojtur “Liqeni i Zi”, dhe si rezultat konstatoi dhe goditi një rast të krimeve kundër mjedisit, që kryhej në këtë zonë, në mënyrë të organizuar nga disa shtetas.
Për këtë rast u kapën në flagrancë duke prerë lëndë drusore ilegalisht, dhe u vunë në pranga shtetas 38 vjeç, banues në Bulqizë, si dhe shtetasit ,45 vjeç dhe., 43 vjeç, të dy banues në Dibër. Gjithashtu u shpallën në kërkim shtetasit 46 vjeç dhe , 42 vjeç, vëllezër, të dy banues në Fushë Bulqizë.
Nga veprimet hetimore të kryera dyshohet se vellezerit kishin punësuar 3 shtetasit e arrestuar, për të prerë në kundërshtim me ligjin, lëndë drusore në zonën e mbrojtur “Liqeni i Zi”.
Në cilësinë e provës materiale u sekuestruan 2 mjete variskë dhe 1 mjet kamion që shërbenin përkatësisht për hapjen e rrugëkalimeve dhe për transportimin e lëndës drusore, një motosharrë dhe një sasi lënde drusore e prerë ilegalisht, që u gjet në pjesë të ndryshme të zonës së mbrojtur “Liqeni i Zi”.
Vijon puna intensive për kapjen e 2 shtetasve të shpallur në kërkim, si dhe për identifikimin dhe kapjen e shtetasve të tjerë që mund të jenë implikuar në këtë veprimtari kriminale”,- njofton Policia.
Materialet procedurale i kaluan Prokurorisë pranë Gjykatës së Shkallës së Parë të Juridiksiomit të Përgjithshëm Dibër, për veprime të mëtejshme.
