Deputetja e Partisë Demokratike, Albana Vokshi ka renditur dështimet e njëpasnjëshme të qeverisë Rama gjithashtu edhe milionat e shpenzuara për koncensionet dhe “klientët” e qeverisë.
Pavarësisht se “Rilindja” e Edi Ramës ka ardhur në pushtet duke premtuar “shëndetësi falas”, sot pas 10 vitesh qeverisje jo vetëm që nuk ka asnjë shërbim falas por shqiptarët janë detyruar të shkojnë drejt spitaleve private pasi nuk marrin asnjë shërbim në spitalet publike.
Duke iu referuar rastit të Genc Fugës, aktorit të dashur të publikut, i cili si pasojë e një goditje cerebrale ka pasur nevojë urgjente për një ndërhyrje kirurgjikale por edhe këtë herë familja e tij megjithëse në kushte të pamundura ekonomike, iu drejtuan spitaleve private pasi shëndetësia publike është jashtë funksionit madje e “zhytur” në korrupsion.
Në reagimin e saj, Vokshi rendit milionat e eurove që shpenzon qeveria e Edi Ramës për inceneratorin e Tiranës (i cili nuk funksionon), dhe në krahun tjetër, paaftësinë e spitaleve shtetërore për të kryer një operacion ndaj aktorit të njohur.
Për ndërhyrjen kirurgjikale ne spitalin privat Genc Fugës iu desh një shumë prej 19 mijë eurosh, ndaj bashkëshortja e tij, aktorja Eni Jani, hapi nje “gofundme”. Menjëherë në rrjetet sociale u aktivizuan qindra qytetarë, duke mbledhur brenda pak orësh mbi 40 mijë euro që familjes i duhen të paguajë për t’i shpëtuar jetën Genc Fugës tashmë i “braktisur” nga shteti shqiptar.
Reagimi i plotë nga Albana Vokshi:
– 49 mln Euro janë paguar deri më tani për Inceneratorin e Tiranës, që nuk kryen incenerim.
– 80 mijë Euro në ditë shkojnë nga taksat e shqiptarëve për inceneratorët fantazëm, me pronarë në arrati që janë në kërkim…
– mbi 350 mijë Euro i janë paguar Vilma Nushit vetëm vitin e fundit (2022) për analiza check up të pakryera.
Por…nuk ka fonde për të kryer ndërhyrje mjekësore për shpëtim jete, si në rastet e trombozës cerebrale.
Është rasti i dytë i bërë publik brenda pak muajve. (Të parin e kam denoncuar edhe në një postim në muajin shkurt).
Në QSUT, edhe pas denoncimeve, ende sot nuk kryen ndërhyrjet për rastet e trombozës cerebrale. Kjo, për jo vetëm për #neglizhencë por më së shumti për #korrupsion.
E pafalshme, e patolerueshme, për një ndërhyrje që mund të bëhet në QSUT, me një investim modest.
Kur bëjnë llogaritë e fitimeve, a mendojnë për ata pacientë që nuk kanë mundësi të paguajnë apo të mbledhin fonde??? Ku shkojnë ata? C’fat i pret?
#shëndetësia #falas është dështimi më i madh i kësaj Qeverie. Jo vetëm nuk është falas, por duhet të kesh shumë para që të jetosh…
përndryshe, sytë nga qielli duke ju lutur Zotit. 🙏🙏
Ogerta Manastirliu dhe tërë hirearkia e drejtuesve në shëndetësi janë përgjegjës direkt për mungesën e këtij sherbimi në QSUT.
Abuzimi me paratë e taksave të qytetarëve është krim!
Abuzimi me paratë e shëndetit të shqiptarëve është dyfish krim!!
#shëndetësiafalas është shndërruar në
#vuajtjefalas për shqiptarët që po rrezikon cdo ditë jetën e shëndetin e tyre!
#SPAK duhet të kishte nisur hetimin!
Zgjidhja nuk është duke paguar Qeveria disa ditë pas operacionit, apo duke paguar për kurim jashtë vendit. Zgjidhja nuk është duke paguar privatin, brenda apo jashtë, por duke mundësuar shërbim shëndetësor cilësor publik!!
