Policia e Kukët ka arrestuar drejtuesin e automjetit tip “Volkswagen” që shkaktoi aksidentin me vdekje dy ditë më parë në qytetin verilindor. Në pranga është vënë shtetasi P. H., 32 vjeç, banues në fshatin Topojan.
Dy ditë më parë, rreth orës 20:55, në aksin rrugor Kukës-Uzinë, shtetasi P. H. duke drejtuar automjetit e tij tip “Volkswagen” përplasi motorin me drejtues shtetasin J. Sh., 60 vjeç.
Pas aksidentit, shoferi 32-vjeçar e dërgoi në spital të moshuarin dhe më pas u larguar duke e braktisur automjetin. 60-vjeçari ndërroi jetë në spital.
Arratia e shoferit nuk ka zgjatur shumë, pasi është kapur sot nga Policia. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.
