Gjykata Federale në SHBA rrëzoi padinë e Donald Trump kundër televizionit CNN. Ish-presidenti i Shteteve të Bashkuara paditi CNN për përdorimin e shprehjes “Gënjeshtër e madhe” për pretendimet e tij se Joe Biden vodhi zgjedhjet presidenciale të vitit 2020.
Në padinë e Trump, miliarderi pretendon se CNN po përpiqej të njolloste imazhin e tij madje duke e krahasuar edhe me Adolf Hitler, për të cilën vetë Trump ka reaguar i nevrikosur duke deklaruar se ai është vetë hebre.
Padia e Trump u hodh poshtë nga gjykatësi Raag Singhal, i cili u emërua nga vetë ish-kreu i Shtëpisë së Bardhë. Singhal vlerësoi deklaratat e CNN si jo-shpifëse sepse shprehnin thjeshtë kënvështrimin dhe opinionin e televizionit.
Kujtojmë që Trump është prej vitesh në një ‘luftë’ të hapur me mediet ku përfshen edhe ato prestigjozet CNN, The New York Times apo The Washington Post me të cilët ka patur shpesh ‘përplasje’ gjatë mandatit të tij deri më tani.
