Tirana ka bërë njoftimin e rëndësishëm për tifozët bardheblu. 26-herë kampionët e Shqipërisë lajmëruan nëpërmjet një postimi në rrjetet sociale nxjerrjen në treg të biletave për ndeshjen e kthimit ndaj Beshiktas, sfidën e vlefshme për turin e dytë të Conference League, që do të zhvillohet në datën 3 gusht, ora 20:00 në “Air Albania”.
Bardheblutë u mposhtën 3-1 në aktin e parë në ”Vodafone Arena” të Stambollit. Për duelin e kthimit Tirana do të kërkojë që numri i mbështetësve të jetë sa më i lartë në mbështetje të skuadrës së Orges Shehit.
NJOFTIMI ZYRTAR I TIRANËS:
KF Tirana pret në datë 3 Gusht, ekipin e Besiktas J.K. Klubi lajmëron se kanë dal në shitje biletat e takimit që do të luhet në stadiumin “Arena Kombëtare, Air Albania Stadium.”
KF Tirana kërkon të nënvizojë se biletat mund t’i siguroni online si edhe fizikisht në pikën e shitjes në biletarinë në stadiumin “Selman Stërmasi”. Gjithëashtu nga data 01.08.2023 – 03.08.2023 në pikën e shitjes në biletarinë në stadiumin “Air Albania”.
Më shumë se një ndeshje futbolli! Mos mungo në stadium, merr fanellën dhe shallin e Tironës!
