Tre persona u vranë dhe dy të tjerë u plagosën të premten mbrëma kur një 64-vjeçar hapi zjarr ndaj fqinjëve në një pallat afër Augsburgut, Gjermani, shkruajnë mediat e huaja.
Policia tha se i dyshuari qëlloi për vdekje dy gra, të moshave 49 dhe 72 vjeç, dhe një burrë 52-vjeçar, përpara se të vazhdonte në një shtëpi tjetër disa qindra metra larg, ku dyshohet se ka qëlluar një grua 32-vjeçare dhe një burrë 44-vjeçar.
Shërbimet e urgjencës kanë mbërritur me shpejtësi në vendngjarje dhe kanë transportuar të plagosurit në një spital aty pranë, ku aktualisht po marrin tretman mjekësor.
Sipas autoriteteve dyshohet se motivi i krimit është një mosmarrëveshje mes fqinjëve.
