Një ngjarje e rëndë ka ndodhur pasditen e kësaj të premte në një fshat të Lipjanit, në Kosovë.
Mësohet se janë vrarë me armë zjarri në rrethana ende të paqarta tre persona.
Ende nuk dihen identitetet e viktimave apo rrethanat e ngjarjes, priten zhvillime të mëtejshme.
Njoftimi i policisë së Kosovës:
Zëdhënësja e Policisë për rajonin e Prishtinës, Flora Ahmeti, e cila ka konfirmuar ngjarjen e rëndë në Kosovë.
“Rreth orës 16:30 policia ka pranuar informatën për tre persona të pajetë në fshatin Rufc të Lipjanit.
Menjëherë pas marrjes së informatës policia ka dalë në vendin e ngjarjes ku janë hasur tre trupa të pajetë, vdekja e të cilëve është konstatuar nga ana e ekipit mjekësor.
Aktualisht policia ka nisur një hetim për rastin dhe rrethanat që karakterizojnë ngjarjen” pohoi Ahmeti.
