Gazetari Lutfi Dervishi i ka kushtuar disa vargje ironizuese mbledhjes informale dy ditore të Qeverisë në Tepelenë, e cila nisi ditën e sotme dhe më shumë duket si një show në mes të vapës. Në vargjet e publikuara në rrjetet sociale, Dervishi ironizon dhe me skandalet e shumta që kanë përfshirë qeverinë “Rama” kohët e fundit.
Këngë për mbledhjen e qeverisë.. :
Tepelenë e Tërmetit
Trevë trimërie
Pranë burgut të Bënçës
Mbledhje qeverie
Mbledhje qeverie
që zgjat plot dy ditë
luten patronazhistët
Se mos nxirrni sytë
Dy ditë me kritika
dy ditë me kërcënime
mesazhi i mbledhjes
kujdes! Arrestime!
Qeveria e sotme
lëndë e klasit të parë
Me zv/kryeminister
n’kërkim ndërkombëtar
Se ato te tjerat
ju i dini vetë
Java shtate ditë
e skandalet tetë
Halli si ngjan hallit,
PS rri pa gjumë
Na duhen zullumet
që SPAK të ketë punë
Dhe pas arrestimeve
Mburrja nuk vonon
Ja e shihni vetë
drejtësia punon
Qeveria tonë
që mburrjen ka ves
Dhe superskandalin
ta shet për megasukses
