Ndryshimi i motit këtë të enjte, ku temperaturat u ulën ndjeëshëm ka bërë që shumë pushues të braktisin plazhin e Divjakës.
Stuhia e erës ka shkaktuar dallgë të mëdha, e si pasojë shumë shezllonë janë mbuluar nga uji.
Kjo ka bërë që pushuesit të largohen dhe mjetet lundruese buzë detit të mbeten bosh.
“E ka mbytur, ca të bëjmë ne. Era e fortë ka 3 ditë nuk pushon. Pushuesit nuk rrinë dot në shezlong se është i mbushur me ujë. Unë kam 3 orë që kam ardhur s’di ku të ulem. Duhet të kenë kujdes prindërit se njëherë bëhet e keqja, dje janë mbytur shezlongë nga era e keqe. Nëse vijon gjendja si sot nuk vazhdohet dot plazhi. Lekët i harxhojmë dhe s’po hyjmë në ujë fare, po qe kështu detyrohem të iki”, tha një pushues për mediat.
E gjithë kjo situatë me mot të paqëndrueshëm për sezonin veror është në dëm të bizneseve pranë qyteteve bregdetare.
