Një operacion në koordinim me autoritetet italiane ka goditur një bandë shqiptarësh që mashtronin qytetarët italianë me shitjet online.
Prokuroria e Pordenones ka lëshuar 14 masa sigurie, ka denoncuar 61 persona si dhe janë urdhëruar 14 kontrolle në Shqipëri.
Mësohet se 140 kallëzime janë bërë nga shtetas italianë ndërsa vlera e përfitimit përmes mashtrimit kap shifrën 4.7 milionë euro.
Operacioni është vijimi i operacionit të nisur në tetorin e vitit të kaluar ku përmes call centerave mashtroheshin qytetarët italianë të investonin fillimisht në shuma të vogla dhe më pas në shuma të mëdha.
Gjatë 42,000 përgjimeve të kryera nga hetuesit italianë, rezultoi se paratë pastroheshin në vendet e BE-së, përfshirë Qipron, Lituaninë, Estoninë, Holandën, Gjermaninë dhe ishin konvertuar në kriptovaluta
Prokurori i SPAK, Ened Nakuçi, në një deklaratë për mediat, dha detaje në lidhje me grupin strukturuar të mashtrimit online që mashtronte dhe u merrte para qytetarëve italianë.
Nakuçi tha se në total janë mashtruar 140 qytetarë italianë, të cilët kontaktoheshin përmes telefonit dhe bindeshin për të investuar shuma të vogla.
Personat e arrestuar sot janë drejtues të Call Center-ave.
“Lidhur me aksionin nga SPAK dhe asaj italiane, u nxorën 14 masa të reja sigurisë, që kanë të bëjnë me arrest-shtëpie për shtetasit shqiptar. Ata janë pjesë e një grupi të strukturuar kriminal që merreshin me shitjen online.
Janë rreth 140 kallëzime nga personat e dëmtuar në itali. Shuma e dëmit të kryer shkon në 4.7 mln euro. Verifikimet kanë nxjerrë skemën e mashtrimit, ku viktimat telefonoheshin dhe bindeshin për të investuar në shuma të vogla. Ka rezultuar se mashtruesish ishin të zotë në përdorimin e teknikave bindëse. Për çdo transferim rezultante dhënia e sasive bitcoin, duke humbur gjurmët e parave që investoheshin. Këta drejtues janë it dhe konsulentë të shitjeve.
Hetimet vijojnë dhe për persona të tjerë të përfshirë.
Paratë e viktimave janë shndërruar në kriptovaluta’, u shpreh Nakuçi.
Pala italiane tha se pjesa që ishte më shqetësuese lidhet me aftësitë ekstreme, që zotëronin personat për të kryer mashtrimin e njerëzve.
“Janë kontrolluar 60 postacione kompjuterash, do të thotë se të dhënat trafikoheshin dhe do të thotë do duhet të hetoheshin me detaje, njëra pas tjetrës. Shqetësuese është profesionaliteti ekstrem I personave të përfshirë në këtë skemë mashtrimi. Një profesionalizëm I lartë, që konsistonte në një aftësi për të mashtruar viktimat. Lufta kundër këtij krimi kibernetik duhet të zhvillohet në mënyrë të pandërprerë dhe duhet të rrisin bashkëpunimin tonë, sepse paraja e pistë i ndot rregullat e shoqërisë dhe prodhon efekte të këqija në jetën tonë të përditshme”, tha përfaqësuesja italiane.
