Situatë kritike te Kukësi, që tashmë rrezikon shumë vetëm pak javë nga starti i sezonit.
Lojtarët kanë bojkotuar stërvitjen e sotme pasi përballen me vonesa pagash prej disa muajsh.
“Panorama Sport” zbulon se futbollistët nuk kanë pranuar të nisin përgatitjet, pasi nuk kanë më garanci financiare.
Teksa kanë pritur të marrin një prej pagave të prapambetura, duke lënë si afat të fundit ditën e sotme, janë ndierë të zhgënjyer dhe nuk kanë dalë në stërvitje, pavarësisht se drejtuesit kanë premtuar se do të bëjnë likuidimet së shpejti.
Tashmë Kukësi rrezikon seriozisht sezonin pasi koha nuk premton dhe me një situatë të tillë, përgatitjet e verilindorëve bëhen shumë problematike, ashtu si mungesa e garancisë së vijimit në këtë klub të shumë futbollistëve.
