Një shpërthim me tritol raportohet të jetë dëgjuar mbrëmjen e kësaj të mërkure, në Lushnjë.
Mësohet se shpërthimi ka ndodhur në lagjen 18, ku sasia e tritolit i është vendosur banesës së shtetasit Arben Turku.
Kjo është hera e tretë që banesës së Arben Turkut i është vendosur tritol. Në rastet e mëparshme, Turku ka qenë jashtë shtetit, ndërsa rastin e sotëm ndodhej në banesë.
Në banesën e Turkut bëhet me dije se ka jetuar kunati i tij Altin Lamçe së bashku me familjen, tregtar në tregun e fruta-perimeve.
Burime konfirmojnë se lënda shpërthyese është hedhur në oborr, dhe brenda banesës ishin 5 pjesëtarë të familjes Turku, të cilët fatmirëisht shpëtuan pa pasoja. Por autori i vendosjes së tritolit, nuk u zbulua.
Në zonë nuk ka kamera sigurie, ndërsa grupi hetimor po punon për zbardhjen e plotë të ngjarjes.
