Byroja Kombëtare e Hetimit ka nisur hetimet për djegiet e mbeturinave në Vlorë, për shkak se ndotja ka rezultuar alarmante. Dosja pritet t’i kalojë SPAK-ut.
Oficerët e BKH kanë mbërritur në Vlorë dhe po hetojnë mbi renien e zjarrit dhe mungesën e reagimit në kohë të institucioneve vendore.
Hetimet kanë nisur për zjarrvënie të qëllimshme, teksa në terren janë marrë edhe provat përkatëse të cilët mund të cojnë në zbardhjen e ngjarjes.
Si pjesë e hetimeve janë pamje filmike nga banesa apo biznese në zonë, dëshmi të banorëve që mund të kenë parë autorin apo autorët e mundshëm.
Në hetim po përfshihen gjithashtu disa institucione përfshirë Bashkinë, ndërsa sipas burimeve ka pasur mungesë edhe për analizimin në kohë të ndotjes. Informacione pranë grupit hetimor thonë se ka dyshime për shpërdorim detyre.
