Prej disa ditësh vijojnë të jenë aktive disa vatra zjarri në fshatrat e Fierit, teksa ditën e sotme është riaktivizuar sërish zjarri në pyllin me pisha në fshatin Kraps.
Flakët po përhapen me shpejtësi për shkak të terrenit “grykë” dhe erërave të forta që favorizojnë shtrirjen e tyre në një sipërfaqe më të gjerë, teska situata është kritike.
Mësohet se përveç sipërfaqeve me pisha dhe ullinj, flakët kanë përfshirë edhe disa banesa të vjetra në zonën e sipërme të fshatit, të cilat ndodhen në afërsi të pyllit. Sipas banorëve mund të jenë djegur edhe bagëti.
Drejtori i zjarrfikëseve të bashkisë Fier, Zija Hyka pohon se situata është e vështirë, ndërkohë që për neutralizimin e flakëve në terren ndodhen tre mjete zjarrfikese.
Situata bëhet më e vështirë edhe për shkak të terrenit të vështirë, ndërkohë që vetëm dy ditë më parë shuarja e zjarrit u bë e mundur vetëm pas nderhyrjes nga ajri, pasi zjarri doli jashtë kontrollit, duke u përhapur nga pylli i Peshtanit drejt Krapsit.
