Drejtori i ri i Operatorit të Shpërndarjes së Energjisë Elektrike (OSHEE), Enea Karakiçi, duket se e ka nisur me “këmbën e mbarë” punën e tij, ashtu siç i bëjnë punët rilindasit.
Shumë qytete të Shqipëri po mbeten me orë të tëra pa energji elektrike në kulmin e sezonit turistik dhe mbrëmjen e kësaj të marte, ishte radha e qytetarëve të Breatit që të mbeten në terr të plotë.
Qyetarët nuk e dinë as arsyen se pse kanë mbetur pa energji elektrike dhe as se kur do t’u vijë. Mësohet se Enver Daja, përgjegjësi i linjës, u mbyll telefonin qytetarëve, në vend që t’u përgjigjet dhe t’u japë sqarime në lidhje këtë problematikë. Me shumë mundësi, Daja do jetë duke konsumuar alkool në vend që të rregullojë problematikën.
Burime bëjnë me dije se energjia elektrike në Berat është ndërprerë prej rreth tre orësh dhe përbën një skandal, duke qenë se jemi në kulmin e sezonin turistik dhe qyteti i “një mbi një dritareve” njihet dhe për numrin e lartë të turistëve të huaj.
Por, jo vetëm Berati, por ditën e sotme kanë mbetur pa energji elektrike prej shumë orësh edhe Saranda, apo edhe zona të caktuar në Tiranë dhe Elbasan. Kjo situatë po tregon dhe një paaftësi totale të institucioneve për të rregulluar në kohë defektet.
Nga njëra anë kryeministri Edi Rama dhe qeveritarë të tjerë flasim për “bum” në turizëm, ndërsa nga ana tjetër dështojnë të sigurojnë shërbimet bazë. Për këtë situatë skandaloze, duket se nuk mban askush përgjegjësi.
Ndërprerja e energjisë elektrike është një problematikë e përsëritur që mesa duket as kreu i ri i institucionit Enea Karakaçi nuk po i jep zgjidhje. Të mendon për një vend anëtar për në BE, ku i ikin dritat në kulmin e sezonit turistik për 4 orë në mes të verës, është përtej skandalozes.
