Moti i keq me reshje të dendura shiu, breshëri dhe erë të fortë ka pushtuar Italinë, prej disa ditësh.
Edhe pse jemi zyrtarisht në sezon veror, Italia është duke u përmbytur nga shirat e rrëmbyer. Mediat e huaja raportojnë se stuhia ka shkulur nga rrënjët disa pemë, e si pasojë janë plagosur 3 persona, fatmirësisht jashtë rrezikut për jetën.
Në rastin e parë, një pemë ka rënë mbi një makinë që po qarkullonte gjatë kohës që stuhia kishte goditur qytetin. Shoferi arriti të dilte nga makina pa lëndime të rënda, më pas u dërgua në spital për kontrolle.
Tre pemë të tjera të mëdha raportohet të kenë rënë mbi disa makina, duke plagosur dy gra, një 34 vieç dhe një 81 vjeç, të transportuara në spital në kushte jo të rënda.
Sic mund të shikohet edhe nga pamjet e mbërritura në redaksinë e Boldnews.al, reshjet e shiut janë intensive dhe kanë mbuluar rrugët. Ndërkohë mediat e huaja shkruajnë se shiu ka shkaktuar përmbytje në rrugë, banesa e biznese, dhe raportohet se situata është e rënduar.
