Greqia vijon të digjet nga zjarret. Mijëra njerëz janë evakuuar nga shtëpitë dhe hotelet në ishullin grek të Rodosit.
Shërbimi zjarrfikës i Greqisë i përshkroi zjarret si më të vështirat me të cilat është përballur – ishulli po lufton me zjarret e ndezura nga erërat e forta që nga e marta.
Më shumë se 3,500 njerëz janë evakuuar nga toka dhe deti për të siguruar sigurinë, shkruan media e huaj, BBC.
Nuk raportohet për të lënduar, sipas Ministrisë së Krizave Klimatike dhe Mbrojtjes Civile në Greqi.
Vizitorët po evakuohen në mënyrë të sigurt nga zonat e prekura të Rodosit – të cilat përfaqësojnë më pak se 10% të akomodimit turistik të ishullit – dhe po ridrejtohen në hotele të tjera në ishull.
Pesë helikopterë dhe 173 zjarrfikës po operonin në zonë, ndërsa tre hotele në zonën e Kiotarit raportohet se janë dëmtuar nga zjarri. Zonat e Laermës, Lardos dhe Asklipio u prekën gjithashtu.
