Kreu i PD-së, Sali Berisha, gjatë një konference me gazetarët u shpreh se kjo qeverisë do të përmbyset nga një aleancë e fuqishme opozitare dhe do të bëjë gjithçka që ta ngrejë popullin në protesta. I pyetur nëse do të ndahen rrugët me Partinë e Lirisë apo jo në shtator, Berisha e mohoi një gjë të tillë.
“Është në nderin e kësaj opozite që të protestojë kundër Ballkanit të Hapur, një projekti ruso serb, anti shqiptar, një projekti që mbolli përçarje në rajon dhe ne atë sic e dini ju e kundërshtuam jo vetëm me deklarata por me protestë. Fakti që javën e kaluar ishte funerali i tij edhe opozitë ka një pjesë të vogël të kësaj merite.
Lidhur me inceneratorët janë një problem kryesor për të cilin do bëjmë gjithçka për të ngritur protesta të fuqishme. Nuk do heqim dorë. Edi Rama nuk erdhi në parlament. Unë jo që nuk i përjashtoj por do bëj gjithçka që ky popull të ngrihet në protestë”
Pyetje: Në vjeshtë rruga e PD dhe e PL do të jetë e përbashkët apo e ndarë?
Berisha: Do të jetë një aleancë e fuqishme që do përmysë këtë regjim
