Për ministren e Financave, Delina Ibrahimaj, forcimi i Lekës përballë valutave të huaja në nivele historike vjen si pasojë e një sërë faktorësh, përfshi këtu forcimin e ekonomisë shqiptare.
Arsyet e tjera që përmendi janë të ardhurat e shtuara në valuta të huaja nga turistët e huaj dhe remitancat.
“Dua të theksoj dhe një herë se rënia e kursit të këmbimit është një dukuri që interpretohet në të gjitha të ardhurat shtesë që jemi duke marrë për shkak të aktivitetit të zgjeruar të turizmit, ku shumica e turistëve të huaj vijnë me valutë të huaj, çka ka sjellë që disponueshmëria e valutës së huaj të jetë rritur ndjeshëm. Kjo është e dukshme dhe nga të dhënat e numri të turistëve që kanë hyrë, që është shumë më i ndjeshëm sesa vitet e shkuara. Të ardhurat në valutë kanë ardhur edhe nga rritja e remitancave. Por forcimi i monedhës vendase kundrejt euros vjen edhe si forcim i ekonomisë shqiptare”, tha Ibrahimaj gjatë fjalës së saj në parlament.
