Një aksident tragjik ka ndodhur pasditen e sotme në Greqi me pasojë humbjen e 5 jetëve, dyshohet shqiptarë.
Protothema raporton se një makinë me targa shqiptare, në të cilën ndodheshin të 5 viktimat, u përplas kokë më kokë me një kamion.
Aksidenti tragjik ndodhi pranë qytetit verior të Edessa, në kilometrin e 87-të autostradës Florina-Selanik
Si shkaqet ashtu sikurse rrethanat e këtij aksidenti momentalisht nuk janë të qarta. Megjithatë, dyshohet se shoferi i makinës ku udhëtonin viktimat humbi kontrollin e mjetit dhe përfundoi në kahun e kundërt të rrugës, duke i dalë para kamionit.
Të gjithë personat që ndodheshin në mjet gjetën vdekjen në vendin e ngjarjes.
Për nxjerrjen e trupave të tyre u desh ndërhyrja e forcave zjarrfikëse, ndërsa policia në vendngjarje nisi hetimet për zbardhjen e rrethanave të këtij aksidenti. I plagosur nga përplasja mbeti edhe shoferi i kamionit, i cili u dërgua në spital.
Protothema shkruan se identiteti i viktimave nuk dihet ende, por thekson se ata janë të gjithë të huaj dhe se makina me të cilën udhëtonin ishte me targa shqiptare.
LEXO EDHE:
VIDEO-FOTO/ Aksidenti me 5 viktima në Greqi, konfirmohen se 4 janë shqiptarë
