Partizani do të luajë ditën e nesërme ndeshjen e kthimit kundër Bate Borisov në Hungari.
Të besuarit e Zekiç arritën një barazim të rëndësishëm në ndeshjen e parë në “Air Albania” dhe tashmë kërkojnë kualifikimin për fazën tjetër të Uefa Champions League
Nëpërmjet disa fotove të postuara në faqen zyrtare ekipi i “Demave” njofton që ekipi është nisur Mezokovesd të Hungarisë, ku bie në sy edhe prezenca e Eros Grezdës i cili u përfol për dëmtim, por nuk dihet nëse ish-sulmuesi i Kombëtares do të jetë i gatshëm për ndeshjen e nesërme.
Ndeshja e kthimit ndaj BATE-s do të luhet në Mezokozvezd të Hungarisë dhe pa tifozë. Nuk ka të bëjë me dënime futbollistike, por politike.
UEFA u vendosi sanksione klubeve bjelloruse për shkak se qeveria e këtij vendi po mbështet Rusinë në agresionin ndaj Ukrainës.
Ndeshja e së martës do të nisë në orën 20:00, në një stadium të vogël me një kapacitet prej pak më shumë se 4 mijë vendesh, por në tribunë do të jenë vetëm delegacionet e ekipeve përkatëse.
