Një sherr që ka degraduar në përplasje fizike ka ndodhur mes dy familjeve në Durrës.
Shkak për sherrin është bërë prishja e një martese midis fiseve.
“Nga veprimet e para rezulton se shtetasi Gëzim Demiri dhe vajza e tij, shtetasja kanë shkuar në banesën e Ukës në Arapaj, me qëllim prishjen e martesës së saj mes Korab Ukën. Më pas këta shtetas janë konfliktuar dhe kanë ushtruar dhunë ndaj njëri-tjetrit dhe për pasojë kanë pësuar dëmtime fizike”,- njofton Policia.
Ndërkohë kanë rënë në pranga dy persona nga familja Arapaj, për armëmbajtje pa leje, dhe dhunë në familje.
“Pas marrjes së njoftimit, policia ka shkuar në vendngjarje, kanë arrestuar në flagrancë Korab dhe Nazmie Uka, 33 dhe 59 vjeç, për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Dhuna në familje”, si Gëzim Demiri, për veprën penale “Dhuna në familje””,– njofton Policia.
Gjithashtu, nisi procedimi në gjendje të lirë për shtetasen H. D., 20 vjeçe, banuese në fshatin Arapaj, Durrës, për veprën penale “Dhuna në familje”.
Materialet proceduriale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
