Personi që shihni në foton e mëposhtme është autori i vrasjes së 51-vjeçarit shqiptar në Selanik, ngjarje e ndodhur një ditë më parë.
Mediat greke shkruajnë se autori i vrasjes, është po ashtu me origjinë shqiptare, ndërsa është një emër i njohur për policinë.
Autoritet greke vijojnë hetimet për zbardhjen e krimit, ndërsa policia ka nisur kontrollet për kapjen e autorit, pasi materialet vizuale nga kamera e sigurisë së karburantit kanë ndihmuar në identifikimin e autorit.
Në të njëjtën kohë, policia ka dhënë urdhër për mbylljen e kufijve, pasi si sulmuesi ashtu edhe bashkëshortja e tij, që ndodheshin në makinën që ai drejtonte, vijnë nga Shqipëria dhe ekziston frika se do të ikin në shtetin fqinj.
