Një 44-vjeçare ka humbur jetën mëngjesin e kësaj të premte, në Berat.
Ngjarja ka ndodhur në lagjen “30 vjetori”, ku në kushte depresioni gruaja është hedhur nga kati i tretë i pallatit, dhe është dërguar me urgjencë në spital, por nuk ka mundur të mbijetojë.
Viktimë ka mbetur shtetasja me iniciale, A.H.
“Rreth orës 09:20, në lagjen “30-vjetori”, dyshohet se është vetëhedhur nga kati i tretë i pallatit ku banonte, shtetasja A. H., 44 vjeçe, e cila si pasojë ka humbur jetën në spital.
Paraprakisht dyshohet se 44-vjeçarja vuante nga probleme të shëndetit mendor”,- njofton Policia.
Grupi hetimor po punon për të dokumentuar ligjërisht rrethanat e kësaj ngjarjeje.
