Kompania ajrore e fluturimeve ‘Wizz Air’ ka shfaqur sërish problematika duke shtyrë udhëtimet dhe lënë pasagjerët në aeroport. Sërish ‘Wizz Air; ka lënë në aeroportin e Milanos rreth 150 pasagjerë shqiptarë.
Nisja e fluturimit drejt Rinasit ishte parashikuar në orën 22:30, por linja ‘Wizz Air’ kishte njoftuar pasagjerët se fluturimi do të shtyhej me një orë dhe më tej pas mesnate. Më pas, fluturimi është anuluar duke lënë në aeroport pasagjerët.
Kjo nuk është hera e parë që kompania e fluturimeve ‘Wizz Air’, braktis udhëtarët shqiptar në mes të rrugës, duke mos u dhënë asnjë sqarim.
