Shkupi ka hipotekuar kualifikimin në turin e dytë të Conference League, pasi ia doli të triumfojë me rezultatin e thellë 0-5 në ndeshjen e parë ndaj lituanëve të Hegelmann.
Në Kaunas shkëlqeu sulmuesi nga Xhamajka, Cephas, që shënoi katër nga 5 golat e skuadrës shqiptare nga Maqedonia e Veriut, teksa goleada u kompletua nga Queven.
Sfida e kthimit mes dy skuadrave do të zhvillohet javën e ardhshme dhe do të transmetohet në ekranin e SuperSport. Bëhet fjalë thjesht për një formalitet për Shkupin, që do të provojë të kënaqë tifozët me një tjetër fitore me goleadë.
Debutoi në Europë me fitore edhe Dukagjini, që triumfoi 2-1 në sekondat e fundit, ndaj luksemburgasve të Europe. Vendasit kaluan të parët në avantazh me anë të mesfushorit Bujar Shabani, por miqtë rikthyen baraspeshën me Pozo në shtesën e pjesës së parë. Kur dukej se gjithçka po shkonte drejt barazimit, ishte Iljasa Zulfiji që shënoi në shtesë golin e fitores për Dukagjinin…
