Është arrestuar në Londër një 29-vjeçar i shpallur në kërkim nga drejtësia shqiptare dhe ndaj tij ka nisur procedura e ekstradimit.
Burime për mediat bëjnë me dije se në pranga është vënë shtetasi Ledio Hysa. Gjykatës iu tha se ndaj Hysës, 29 vjeç, është lëshuar një urdhër-arresti në vitin 2018 nga gjykata e Elbasanit.
I riu u arrestua në një qytet të Anglisë, të cilin e kishte përdorur si vendfsheje. Ai akuzohet se në 9 Qershor 2018 qëlloi me armë nga ku mbeti i plagosur Adriatik Kasa, i cili mori një plumb në këmbë.
Në urdhër-arrestin ndërkombëtar thuhet se kjo ngjarje kriminale ka ndodhur në liqenin Seferan të Belshit. Seanca e radhës në ngarkim të Ledio Hysës do të mbahet në 9 Gusht 2023.
Ledio Hysa dhe Adriatik Kasa ishin fqinjë me njëri-tjetri në fshatin Seferan të Belshit dhe plagosja ndodhi pas një konflikti banal mes tyre për kosheren e bletëve.
