Deputeti i PD-së, Asllan Dogjani u ka bërë thirrje shqiptarëve që të dalin në protestë për të kundërshtuar ligjin e mazhorancës për legalizimin e kanabisit mjekësor.
Duke folur nga foltorja e Kuvendit, Dogjani tha se të gjitha ata që duan që fëmijët e tyre të mos përdorin drogë, të mblidhen të enjten e ardhshme para Kuvendit për të protestuar.
“Të gjitha ata që duan që fëmijët e tyre të mos përdorin drogë, të mblidhen para parlamentit ditën e enjte. Nuk e kemi mundësinë për ta mbajtur nën kontroll. Ka mijëra familje që vuajnë sepse fëmijët e tyre përdorin drogë. Ka shqiptarë që për shkak të përdorimit të drogërave kanë përfunduar në çmendinë. Ju bëj edhe njëherë thirrje që të mblidhemi të enjten para Parlamentit të mos e lejojmë këtë ligj.” deklaroi Dogjani në Kuvend.
