Vllaznia zhgënjen në Windsor Park (Belfast), teksa u mund me rezultatin e thellë 3-1 nga Linfield, në takimin e parë të Conference League.
Stojanovic ishte protagonist i keq për Vllazninë në minutën e 14-të teksa bëri një ndërhyrje në zonë ndaj kundërshtarit, por për fatin e mirë të shkodranëve, arbitri nuk e konsideroi si penallti.
Në pjesën e dytë, skuadra e Migen Memellit do shpërfytyrohej tërësisht, pasi do pësonte 3 gola.
McKee realizoi dopietë, ndërsa edhe Scott dërgoi sferën pas shpinës së Qarrit. Për të ngushtuar shifrat mendoi Juric, në fund.
Vllaznia tashmë është e detyruar të besojë te mrekullia në Shkodër, për ndeshjen e kthimit që luhet pas disa ditësh.
